ترويض زوحه
🇸🇦 العربيةترويض زوحه
. ترويض زوجة.
مقدمة..
___________________________________. نورا.. ايه يا رنا ساعه يا بنتي حرام عليكي كده هنتأخر مش لازم تغطي علي البنت ده يومها..
زينب.. بتقولي ايه يا نورا متبئاش رنا لو معملتش كده..
رنا.. اتريقو اوي ما كل واحده عامله البدع في نفسها اهو..
ريم.. يلا يا ماما انتي وهي لسه هنعدي علي فريده..
دورت نورا العربيه ومعاها زينب ورنا وريم دقايق ووقفت امام احدي العمارات وظهرت فريده تنتظر..
فريده.. حرام عليكو اكتر من نص ساعه واقفه في البرد..
ريم.. معلش يا فيري انتي عارفه رنا..
فريده.. طالما فيها رنا لازم اعذر وضحك الجميع..
رنا.. طيب يلا يا ظريفه انتي وهيا مش عاوزين نتأخر شايفين الجو عامل ازاى..
نورا.. كل واحدة فينا عيد ميلادها اما في الصيف او الربيع انما مروه الوحيده عيد ميلادها في عز الشتا كل سنه تجرجرنا كده في البرد
زينب.. هو فيه احلي من الشتا والبرد
نورا.. يلا وصلنا..
. يجلس احمد مع والده الحج حسين في مكتب المحاسبه الخاص بهم لانهاء بعض الأعمال..
احمد.. متروح انت يا حج وانا قاعد شويه..
الوالد.. اروح اعمل ايه نخلص شوية الشغل دول عما فريده تخلص العيد ميلاد ونروح سوا..
احمد.. ماشي انا هقوم اعمل حاجة نشربها..
. في مكان اخر عاصم وصديقه ايمن ماشيين في الشارع بعد يوم عمل شاق..
عاصم.. منك لله توبه لو اسمع كلامك تاني..
ايمن مبتسم.. واحياتك مكنت اعرف هنتأخر كل ده اهو عرفنا النظام بعد كده..
عاصم مقاطع.. هي فيها بعد كده انسي مش هتتكرر..
ايمن مبتسم.. طيب يلا شد شويه شكلها هتقلب زوابع يا معلم وانت جايبنا من طريق مش عارفين نهايته..
. الحجة كوثر والدة احمد وفريدة وزوجة الحج حسين تجلس مع منال زوجة ابنها احمد يتفرجو علي البرامج ويدردشو مع بعض..
الحجة.. ما تتصلي باحمد شوفي اتاخرو ليه..
منال.. كلمته يا ماما من شويه قالي هنستني فريده ونروح سوا..
الحجة.. مش عارفه عيد ميلاد ايه في الوقت ده مش عارفين يعملوه بدري..
منال.. عادي يا ماما بنات بئي ومن مده مش بيشوفو بعض..
. وصل الخمس بنات منزل مروة وكانت في استقبالهم بعد التحيات والسلام والقبلات وتقديم الهدايا بدأت مراسم العيد ميلاد في بهجة وسعاده الجميع وبعدها دارت الحوارات والقفشات والهزار والمرح الي ان انتهي العيد. ميلاد وبدأ الضيوف في المغادره..
. الحج.. يلا يا احمد عشان نمشي كفايه كده..
احمد.. ماشي يا حج اسبقني علي العربيه وانا هقفل واحصلك..
الحج.. طيب اما اكلم اختك اشوف خلصت ولا لسه..
. ايمن.. وبعدين يا عم عاصم بئي لنا ساعتين بنلبخ احنا لو في بلدنا كنا جبناها من اولها لاخرها.
عاصم.. بس يا عم خلاص وصلنا انت هتطلع كده علي طول وانا هكمل من هنا وبكره نتقابل هنا في المكان ده..
ايمن.. انت متأكد ان ده المكان..
عاصم.. ايوه متقلقش هو قايلي تقاطع شارعين وشجر..
ايمن.. ماشي سلام
. ريم.. بقولك ايه يا نورا نزليني هنا انا وزينب..
نورا.. رايحين فين لسه.
زينب.. هنتمشي شويه ونتفرج علي محلات وجايز نشتري..
رنا.. تتمشو ايه في الجو ده يا مجنونه
ريم.. ده احلي جو نتمشي فيه يلا يا زوزو
. نزلت زينب وريم وكملت نورا وفريده ورنا وشويه فريده قالت لنورا تركن عند الاشارة قصاد المكتب وشافت اخوها ووالدها في العربيه بينتظروها ودعت نورا ورنا وراحت عليهم..
. فريده.. مساء الخير
الوالد والاخ.. مساء النور
فريده.. انا اتاخرت ولا ايه
الوالد.
لا احنا لسه مخلصين بس اكيد عند مامتك اتاخرنا..
فريده.. ماما كلمتني تلات مرات ومسمعتش كلمتها وشكلها هتنفخني..
أحمد.. متخفيش هنتنفخ كلنا وضحك الجميع..
موبايل احمد بيرن.. ايوه يا طارق عامل ايه فينك..
طارق.. موجود انت فين عاوزك..
احمد.. بكرة عشان مروح وتعبان والجو برد..
طارق.. لا لازم اشوفك ضروري عاوزك في موضوع..
احمد.. طيب انا هعدي عليك اديني خمس دقايق وقفل..
. الوالد ايه يا احمد انت لسه هتقعد برا.
احمد.. معلش يا حج نص ساعه مش هغيب، استعدي يا فريده عشان تسوقي..
نزل احمد يشوف طارق صحبه وطلعت فريدة بالعربيه ومعاها والدها..
رنا.. استني يا نورا عند الصيدلية دي اما اجيب لي اي حاجة للصداع دماغي هتنفجر.
وقفت نورا ونزلت رنا..
. ايمن ماشي لسه مش عارف هو رايح فين يتصل علي عاصم موبايله غير متاح وفجأه وهو ماشي سمع صوت بنت بتصرخ وبتطلب المساعدة حاول يعرف مصدر الصوت وكان قلقان ومنزعج وهو بيقرب منه..
. الوضع لم يكن مختلف مع عاصم مش عارف يحدد مكانه وموبايله فصل شحن وفجأة سمع صوت من بعيد كل ما يقرب الصوت يعلي لحد ما وضح اكتر صوت استغاثه وكان واضح صوت بنت قرب عاصم اكتر من مصدر الصوت..
ميتبعش..
المصدر:الإنترنت
