قصة حقيقيه حدثت معى

قصة حقيقيه حدثت معى

. وانا طالب جامعى كانت ايدى قصيرة والفلوس بسيطه علشان كدا اشتغلت دروس خاصه وليست خصوصيه. يعنى ايه؟ يعنى للمعارف بدأت بيهم وهم اللى طلبونى ..كنت متفوق فى الكليه وعارفنى كويس ..حققت نتائج رائعه وراج صيتى ..ده مش موضوعنا جماعة طلبونى اساعد ابنهم فى مواعيد ثابته فى شقتهم فوافقت على اساس حصتين فى الاسبوع ودخلهم كويس. مره فى مره خلصت الحصه ابو التلميذ قال تعالى الصالون نتكلم هو انتى بتيجى كدا وتمشى ؟ وضغط عليا هو والست بتاعته يعنى اشرب فنجان قهوه معاهم وافقت. جلسنا وهمست زوجته فى اذنى قائله. فيه ست جارتنا عاوزه تسلم عليك...استغربت لكن كانت الست دى على ميعاد معاهم انهم يعرضوا عليا زواجه معينه وانا ما اعرفش ..المهم الست دى (( الضيفه)) قعدت معانا وبعد شويه قالت ليا انا اخترتك اجوزك بنتى؟. بنتى خريجة دبلوم تجاره وحلوه تحب تشوفها؟. اندهاش شديد واستغراب ولكننى سكت. الست دى يبدو عليها ان لها جذور ريفيه لابسه عبايه ريفى سوداء وطرحه سوداء على راسها وبيضا وطولها متوسط. بصراحه ..الكليه بتاعتى عمليه ووخده كل وقتى ومش مهتم بلبسى لا اكوى هدومى وشكلى متواضع قميص وبنطلون البس واغسل والبس وهكذا. سبب اندهاشى يعود الى. 1-اننى عادى واقل من العادى لا سياره ولا نظاره واللى جاى على اللى مطلوب. 2- الطريقه نفسها ..ست تاتى لجارتهم علشان مدرس خصوصى تعؤض عليه يخطب بنتها؟ المهم الست قالت تحب تشوفها وتقعد معاها ؟. شئ لا ارادى منى قلت ومالو. انتظرينى الحصة القادمه ..كانت ايامى احد واربعاء وكنا الاحد وهى ح تنتظرنى الاربعاء سلمت ومشيت وفاتت الايام وجاء الاربعاء توجهت الى التلميذ اياه فمواعيدى مظبوطه كالساعه. اديت الحصه وقايم امشى. ام التلميذ وابوه قالوا استنه ..انت ناسى ..صاحبتك جايه؟ افتكرت الموضوع واجسست اننى بانخطب واننى عاجبهم ..على ايه ما اعرفش قلت فى نفسى جايز وجايز وبالى يروح وييجى..جايز البنت ملعوب فيها ويكروتونى جايز انا كويس ومش واخد بالى. افتكت الموضوع وطلعنا انا وابو الولد ومامته وجلسنا فى الصالون ..دقائق جاءت الست ام العروسه وسلمت بحراره وجلسنا ودقائق وجاءت العروسه. بجد وبصراحه البنت طول وعرض وحلاوه وشعرها اصفر على بنى ولابسه كويس. بصيت على لبسى ..بس اعمل ايه جلسنا واتكلموا انهم بيرحبوا بيا ويتمنون موافقتى. قلت حيثياتى :. انا فاضل سنه غير الحاليه ومن محافظه كذا ولسه على الحميد المجيد. قالوا موافقين....!!!!!!!! قلت ادردش مع العروسه شويه امال ح اقعد ساكت ..سالتها عدة اسئله كان مجمل اجابتها :. انها ح تستنانى ومش عاوزه غير دبله وكلمة منى وانا اللى بتدور عليه وانها عارفه ظروفى وح تقف جنبى و......و...... البنت وحيدة امها ويتيمه وهما الاتنين فى شقتهم وعايشين على معاش بابا. سالتها شقتكم فين قالت نمره كدا يعنى مجاوره لشقة الولد. جينا يوم الاحد وبعد ما خلصت الحصه. سالتنى ام الطالب :ايه رايك فى العروسه؟. قلت لها امتى ازورهم فى شقتهم؟ قالت استنى لما اسالهم وبعدت الولد وجه وقال هما منتظرننى. الواد شاورلى على الشقه...توجهت اليها ..خبطت الباب انفتح .. رحبوا بيا وجلست ..تشرب ايه؟ قلت شاى امها قالت تشرب شاى من ايد ساميه؟ قلت سيبى ساميه وعاوز من ايدك. قعدت مع العروسه وقلت لها التعامل المباشر مش احسن..قالت صح قلت طلعى الوساطه من السكه وعاوزكم تعرفونى واعرفكم صح ولما تحتاجونى اهو الباب موجود. الست جابت الشاى وحطته وقلبت براوى عليك ..وبصت لبنتها وقالت مش قلت لكى انه ذكى ولماح اكمل بعدين.
المصدر:الإنترنت